Beinvegni tier la gruppa da teater Medel/Lucmagn

Gruppa da teater Medel/Lucmagn dapi 2010.

Nossa uniun sut il num " Gruppa da teater Medel/Lucmagn" ei ina uniun dalla Val Medel che promova e tgira il teater popular romontsch. Ella ei vegnida fundada ils 4 da zercladur 2010 e secumpona oz ord rodund 36 commembers e gidonters. Nossa finamira ei da giugar mintga dus onns teater en nossa regiun. Aschia lein nus promover nies lungatg ed oravontut nossa cultura ella surselva. 

Nossa gruppa ei adina puspei sin la tscherca da commembers e gidonters novs, aschia che nus fussen leds dad intradas novas che han interess da sengaschar ni segidar cun nossa gruppa motivada e hilarica ils tals san bugen far quei sur l'emailadressa ni directamein per telefon. Las infos da contact anfleis Vus directamein cheu giusut.

Nus selegrassen el futur da veser ina u l'autra fatscha nova en nossa gruppa

Nus giughein puspei teater en la Val Medel giusut anfleis Vus ils termins da nossas producziuns:

Venderdis, ils 10 d'avrel 2026 allas 20.00 uras

Sonda, ils 11 d'avrel 2026 allas 20.00 uras

Venderdis, ils 17 d'avrel 2026 allas 20.00 uras

Sonda, ils 18 d'avrel 2026 allas 20.00 uras

Dumengia, ils 19 d'avrel 2026 allas 14.00 uras

Sonda, ils 25 d'avrel 2026 allas 20.00 uras

La pagina dad empustar bigliets vegn tschentada si el decuors da l'entschatta digl onn 2026.